Herbert Andert - Ehrenbürger der Stadt Ebersbach/Sa.

Zun Jubiläum a Aberschbuch

 

Mei Aberschbuch, du bist ne glei
grußoartch oas Stoaadt geburn.
De Stoaadt, die is - nu, findt'ch oack rei -
vill später draus gewurn.

 

Irscht bis de a klee Durf gewaast
a unser Spraa dohiet.
Doas diche fleißche Bauernnaast
wuchs langstn a de Hiht

 

's goab aber schlaajchte Zeitn o,
de Nut woar moanchmol gruß.
Doa immer wieder ging's derrno
vu vurne wieder lus.

 

Do koam endlch de "Industrie".
Die wußte glei Bescheed:
Se baute de Foabrikn hie
und machtch an Durfe breet.

 

De Aberschbächer huttn's soaat,
se wulltn hicher naus,
und's hieß: "Mir machn anne Stoaadt
aus unsn Durfe draus!"

 

Und satt'ch oack oaa, dr Vurstand Gucht,
dar hoot mit vill Geschicke
die Sache glei as Lut gebrucht.
Doas woar sei Meestersticke!

 

's is fim'sibzch Juhre har. - Juju,
do luß mer'ch goar ne queiern.
Doas "Jubiläum" wull mer nu
minander urndlch feiern!

 

(entnommen aus der "Festschrift 75 Jahre Stadtrecht Ebersbach/Sa.)